39.Георгий (Пожаров), иером., прмч. (в миру, Георгий Дмит-ревич): †1930;

Георгий (Пожаров), иером., прмч.

(в миру, Георгий Дмит-ревич): †1930;

Новомуч. – родился в 1886 году в селе Ма-лая Приваловка Усманского уезда Воронежской губернии; до 1927 года проживал в Тверской области; в 1927 году переехал в город Во-ронеж, служил в Алексеевском Акатовом монастыре; 8 апреля 1930 года арестован; в июле 1930 года Совещанием коллегии ОГПУ при-говорен к расстрелу; 2 августа 1930 года расстрелян в окрестностях города Воронежа; прославлен Архиерейским Собором РПЦ 2000 года.

Тропарь, глас 1

Верный ученик Христа даже до смерти быв,/ преподобномучениче Георгие приснопамятне,/ подвиги бо поста и кровию мучений/ землю Русскую освятил еси./ Темже и мы, чада твоя, любовию вопием ти:/ слава Давшему ти крепость,/ слава Венчавшему тя,/ слава Прославльшему тя с новомученики Российскими.

Кондак, глас 3

Мирскаго мятежа удалився,/ добре Богу послужил еси,/ во дни же гонений на Церковь Русскую/ кровь твою за Христа пролиял еси/ и страданьми твоими землю нашу обагрил еси./ Темже молися, преподобномучениче Георгие,/ сохранитися ей в Православии и благочестии/ до скончания века.

Молитва

О священная и многострадальная главо, преподобномучениче Георгие приснопамятне, воине Христов добропобедный, Православныя Русския Церкве сыне верный! Ты, первее труды постническими душу твою очистив, демонская ополчения посрамил еси, в годину же гонений безбожных терпением мужески облеклся еси и, яко жертва непорочная и благоприятная за грехи народа нашего, Богу принеслся еси. Темже, яко благий раб и верный, в радость Господа твоего вшел еси. О преподобне и достохвальне страдальче, не остави ныне и нас, сродник твоих, благодарною любовию подвиг твой почитающих и заступления твоего просящих. Моли тепле Всеблагаго Господа нашего Иисуса Христа, да утвердит в Православии до скончания века Церковь нашу, Отечество и люди, да сохранит обители монашеския, верныя обетом иноческим, да дарует нам покаяние и прощение грехов и да поможет во всяцем чине и звании Ему угождати и во всех обстояниих на Него Единаго уповати. Емуже подобает всякая слава, честь и поклонение со Отцем и Святым Духом ныне и присно и во веки веков. Аминь.